_الأستاذ فاروق :ألووو ياحنان خير عاوزة حاجة ولا الولاد محتاجين حاجة …..
_حنان:لا يافاروق احنا مش عاوزين حاجة أنتا إتاخرت كده ليه ده ميعاد شغلكم خلص يعني ….
_فاروق :هو ايه ده ياحنان أنتي هتحاسبيني ولاهتعدي عليا خطواتي وايه الطريقة اللي أنتي بتكلميني بيها دي ده أنتي أول مرة تكلميني كده وكمان عمرك ماسالتيني رايح فين ولاجاي منين فيه ايه ياحنان ….
_حنان :عاوزاك في موضوع مهم يافاروق هتيجي أمتي …
_فاروق :ربع ساعة وأكون عندك ياحنان سلام …
_حنان :الله يسلمك يافاروق …
وبعد ماقفلوا الفون مع بعض فاروق بقي مستغرب من طريقة كلام مراته ليه اللي أول مرة يكلمه بيها…
وحنان بقت من جواها بتغلي وبتقول بينها وبين نفسها وبتخبط إيديها الاتنين علي بعضهم :
“بقي كده يافاروق أخرتها عاوز تتجوز عليا بعد كل اللي عملته معاك ومع ولادك وبعد العمر ده كله ده أنا اللي عملتك مدير لشركة بعد ماكنت موظف مالكش أي لازمة زي الموظفة اللي أنتا دلوقتي عاوز تتجوزها وربنا ماهرحمك لا أنتا ولاهي وفجأة دخل فاروق من باب الفيلا وهي بصتله :
_فاروق :ازيك ياحنان ….
_حنان:الله يسلمك حمدالله على سلامتك…
_فاروق :ايه المعاملة الناشفة دي وايه هو الموضوع المهم اللي أنتي عاوزاني فيه ….
_حنان :عاوز تتجوز عليا يافاروق واحدة موظفة عندك في الشركة طب ليه كده بعد العمر ده كله هي دي مكأفاتك ليا بعد اللي عملته معاك بتديني مكأفاة نهاية الخدمة طول السنين ليك ولولادك ….
_فاروق :أيوة ياحنان عاوز اتجوز بس هي رافضة تتجوزني بتقول مش حابة تاخد راجل من علي مراته وولاده ولاتبقي زوجة تانية بس أنا غصب عني حبيتها …..
_حنان :أه أنتا عاوز تطلع صورتها حلوة يعني وبتقول مش موافقة بيك علشان أنتا بتحبها يافاروق إذا كانت هي اللي كلمتني بنفسها وقالتلي إنك عاوز تتجوزها وهي كمان موافقة بيك وعاوزاك وبتحبك بس كلمتني علشان تعرفني لاني كمان ماكنتش هعرف غير يوم كتب كتابكم يعني كنت هبقي نايمة على وداني يافاروق وأنتا بتتجوز وبتعيش حياتك ومبسوط لا وايه كمان دي بعتتلي صورتها واتس علشان اعرفها ….
_فاروق :هي اللي كلمتك إزاي الكلام ده أنتي أكيد كدابة هي ماتعملش كده وأخلاقها ماتسمحش لكده ..
_حنان :حاضر أنا كدابة ..
وطلعتلوا حنان فونها وسمعته ريكورد المكالمة ووريته صورة أماني …
فاروق بقي مستغرب ومش مصدق نفسه ….
_حنان :طب أنا كدابة طب الريكورد والصورة كمان كدابين يافاروق اهوه اتفضل ….
فاروق لما شاف الصورة لقاها صورة تغفيلة ففهم إن حد مصورها من غير ماتأخد بالها وكمان لما سمع الريكورد لقاه مش صوت أماني صوت تاني بيسمعه كل يوم بس مش قادر يتذكره كويس وبقي من جواه بيحاول يعرف مين الصوت ده لانه مش اهبل ولاعبيط عن أصوات الناس اللي بتتعامل معاه وبيتعاملوا معاه ….
_حنان :ايه سرحت في ايه يافاروق …
_فاروق :لعلمك مش هي دي اللي كلمتك من الأساس ده واحدة انتحلت شخصيتها وكلمتك علي إنها هي لأن ده مش صوتها وكمان صورتها متغفلة لو كانت هي كانت بعتتلك صورتها كاملة علشان تشوفيها حلو وتتظاظي أكتر …
_حنان بصدمة :يااااه يافاروق ده أنتا كمان بتعرف تميز صوتها من بين كل الأصوات لدرجاتي دي بتحبها ده لو مراتك مش هتعرف تميز صوتها كده …..
_فاروق :يووووه بقي ياشيخة حرام عليكي كده بقي دي عيشة بقت مقرفة بصي أنا داخل المكتب جوه ياارب ترتاحي ….
ودخل فاروق مكتبه وقفل علي نفسه وطلعت حنان الأوضة وهي حزينة ومصدومة وقعدت لوحدها تفتكر كل ذكرياتها هي وفاروق وحبهم لبعض وتتفرج علي ألبوم صور فرحهم وتسترجع ذكرياتهم الحلوة معاه …..
فاروق فضل يفكر مين اللي ليه مصلحة يعمل كده وياترا عرف إزاي وسمع الريكورد لتاني ولتالت مرة لحد ماإتاكد إنه صوت سماح وقرر يعمل إختبار صغير علشان يتأكد إن كانت هي ولالا لانه هو عارف إنها بتحبه وبتجري وراه وبالفعل اتصل عليها وكلمها ….
_سماح بفرحة :ألوووو أستاذ فاروق اومر حضرتك أي خدمة ….
_فاروق :يامساء العسل عاملة ايه وحشاني ياسموحة ….
_سماح بفرحة وظنت إن خطتها نجحت :ايه ده بجد يافاروق أخيرا حسيت بيا وبحبي ليك وفجأة غلطت بلسانها وهي في عز فرحتها وناسية نفسها قالت :
“يعني كان لازم اعمل كده علشان ترجعلي وتحس بيا”
_فاروق وقتها إتاكد إن هي ورد وقال :
“تعملي ايه ياسماح هاااااا”
_سماح إنتبهت لنفسها ولكلامها وقالت :
“لا ماعملتش حاجة يافاروق هعمل ايه يعني ”
_فاروق :لاعملتي ياسماح وأنا عارف ودلوقتي إتاكدت إنك أنتي اللي عملتيها …..
_سماح :طب يا أستاذ فاروق لما اجي الشركة بكرة هتكلم معاك ونشوف ونفهم فيه ايه ….
_فاروق بسخرية وضحكة إستهزاء :إن شاءالله ياسماح في إنتظارك ….
_سماح :طب تصبح على خير….
_فاروق :وأنتي من أهل الخير والجنة ياسماح …
وقفلوا الفون مع بعض وسماح بقت تحاول تفكر هتقول ايه لأستاذ فاروق علشان تتصرف وتخرج من الموضوع ده اللي هيسببلها مشاكل ….
فاروق اتصل بالشركة وبلغهم وأمرهم برفد سماح من الشركة نهائيا وماتعتبشهاش تاني ولو جت عالبوابة تنطرد والأمن يمنعوها ويطردوها ..
في البيت عند أمل ومنال وأماني :
أمل دائما متخانقة مع خطيبها وتخلق معاه المشاكل وتتعزز وتشوف نفسها عليه وهو كتير يحاول يصالحها وهي تسيبه ماتردش عليه وأماني ومنال دائما مدايقين منها بسبب كده وبيحاولوا يرجعوها عن اللي في دماغها بس هي زي ماهي الطبع يخلق التطبع …..
تاني يوم في شركة البرمجة والكمبيوتر :
