سماح جت تيجي الشركة الصبح إتفاجئت بالأمن بيطرودها ومش راضين يدخلوها من البوابة لكن هي كانت أسرع وأقوي منهم وواجهتهم وطلعت غصب عنهم وهما طلعوا يجروا وراها ….
سماح طلعت لفاروق مكتبه قدام كل الموظفين وبقوا هما مستغربين وبيسالوها فيه ايه لكن هي مش بترد علي حد ودخلت علي فاروق مكتبه بإندفاع وأغلقت باب المكتب عليه …..
_فاروق بتفاجئ منه :ايه ده أنتي متسرعة امشي من هنا أنتي مطرودة ورجلك ماتعتبش الشركة دي تاني إلا وهوقفها ….
_سماح :أبوس رجلك يافاروق ليه بتعمل فيا كده كل ده علشان بحبك وبقت توطي تبوس علي رجله وهو يزقها وهي تتوسل إليه أكتر وأكتر ….
فاروق نده للأمن فكانوا طلعوا وراها علشان يمنعوها تدخله حسب تعليماته واوامره ….
وبالفعل بتوع الأمن اخدوها وشدوها وطلعوها بره الشركة ومنعوا دخولها نهائي للشركة لأي سبب …..
طبعاً كل الموظفين بقوا مستغربين من اللي بيحصل وبيسألوا بعضهم بينهم وبين نفسهم يقولوا :
ياترا سماح عملت ايه ياترا فجأة أستاذ فاروق اتغير من ناحيتها وطردها ورفدها رفد نهائي ليه ؟
ياترا وجه تعليماته للأمن يطردوها بالطريقة المهينة دي ليه أكيد عملت مصيبة سرقت حاجة من الشركة ولاشئ مايشبه كده ؟
طبعاً الوحيدة اللي حست وفهمت الموضوع عزيزة لأنها صاحبتها وعارفين عن بعض كل حاجة هي سماح ماقالتش لعزيزة أي حاجة من اللي كانت ناوية تعملها بس لادام كده يبقي فعلا سماح عملت شئ بخصوص الموضوع ده وفاروق عرف فطردها وبقت في نفسها ومن جواها صعبان عليها سماح وبتبصلها بصة زعل ولوم عينيها بتقول فيها :
“شوفتي ياسماح عملتي في نفسك ايه ياما كنت بنصحك وأنتي مش بتقبلي نصيحتي بس ياارب تيجي علي قد كده وفاروق يستكفي بطردك ورفدك من الشركة ومايوصلش لجوزك الكلام ده ويفضحك ويخرب بيتك وتبقي قطعتي عيشك وخربتي بيتك وخسرتي جوزك وولادك بسبب حبك لفاروق ”
بعد مرور ساعتين من الزمن في الشركة وكل الموظفين شغالين ومشغولين في شغلهم علي مكاتبهم إتفاجئوا بحنان زوجة الأستاذ فاروق داخلة في قمة جمالها وشياكتها وأناقتها ولبس مودرن وعالي جدا ودخلت تبص علي كل الموظفات علشان تشوف فيهم أماني لحد ماشافتها وراحت لعندها علي مكتبها وبصتلها بصة مهينة ليها كلها إستحقار وكراهية وإستهزاء …
أماني وقتها إتفاجئت واستغربت هي مين الست دي وليه بتبصلي أنا كده واشمعني أنا من وسط الموظفات كلهم لاهي تعرفني ولاأنا أعرفها علشان تعمل معايا كده دي ولا اللي كأني بيني وبينها تار …..
_أماني بذوق وأخلاق :افندم حضرتك تؤمري بحاجة….
_حنان :أنتي أماني بقي ….
_أماني :أيوة حضرتك أنا اسمي أماني ….
_حنان :أه عندك كام سنة بقي ….
_أماني :خير حضرتك فيه ايه…..
_حنان :عادي ياحبيبتي حابة أتعرف عليكي ….
_أماني :عندي 27سنة خريجة معهد نظم معلومات..
_حنان :جميل والله صغيرة لسه يعني مرتبطة بقي علي كده ياحبيبتي …..
طبعاً حنان عاوزة تعرف هي حالتها الإجتماعية ايه أرملة ولامطلقة ولابنت علشان تفكر تتجوز الأستاذ فاروق وهو راجل متجوز ومعاه مراته وولاده بس مش حابة تسأل السؤال مباشر علشان عارفة إن أماني مش هتكون حابة تجاوب عليه فسألته بطريقة لطيفة …..
_أماني :لامش مرتبطة حضرتك أنا كنت متجوزة وإنفصلنا أنا وجوزي بعد سنة …..
_حنان :أاااااه قولي بقي كده ودلوقتي بتلفي علي مديرك وعازوة تتجوزيه من صدق صحيح مطلقة بقي وعاوزة أي جوازة وخلاص بس دي مش اي جوازة ده راجل غني ومبسوط وعنده كتير أوي بقي أنتي يابت يامتسرعة عاوزة تخطفي جوزي مني نجوم السما أقربلك لو جيتي ناحيته لاهتشوفي أيام أسود من السواد وبقولهالك قدام كل الناس وياترا مديرك فين بقي علشان يشوفك وأنتي بتتهزأي كده .
_أماني بذهول :أنتي بتتكلمي إزاي ياست أنتي جوزك طلب يتجوزني وأنا اللي رفضته لاني ماأقبلش اخد راجل من علي مراته وولاده أنا اخلاقي أعلي من كده بكتير وأه فعلا أنا مطلقة وربنا ماأردش ليا إني أعيش مع جوزي لكن مش الكل المطلقين يبقوا مش كويسين ولاماعندهمش قلب ولاضمير ….
_حنان بإندفاع وفجأة عاتبت أماني بعتاب شديد علي وشها وقالت:
“أنتي هتعمليهم عليا يابت وتديني درس في الأخلاق بلاش سهوكة وسيبي جوزي وابعدي عن سكته ”
في نفس اللحظة أماني ردت العتاب لحنان بس كانت من جواها مجروحة وموجوعة جدا لكن حبت تأخد حقها منها …
حنان صرخت وعاتبتها بغضب شديد وقالتلها :
“بتمدي إيدك علي ستك يوقحة وربنا لأوضحلك وأوضح له وكل اللي في الشركة عليكي ”
كل الموظفين إتجمعوا يحوشوهم عن بعض وخرج الأستاذ فاروق من مكتبه يشوف ايه اللي حصل وفجأة فصلهم عن بعضهم وعاتب حنان مراته بعتاب ….
_حنان :اااااه بتعاتبني يافاروق علشان الظالمة دي …
_أماني بإنهيار وبكاء شديد :اخرسي أنا مش ظالمة أنا أحسن منك ومن عشرة زيك وبعدين ده هيكون أخر يوم ليا في الشركة لادامها وصلت لكده بقي…..
فاروق وقتها قلبه إتخلع وزعل ورد وقال :
” أماني أنتي بتقولي ايه لا طبعاً ماتسيبيش الشغل ”
_حنان بغيرة وحرقة :ياسلام ياخويا زعلان أوي علي فراقها يختي في داهية والبحر خير ماهتعملي والله بس اعمليها وريحينا وغوري ”
وبالفعل أماني قدمت إستقالتها ومهما كان الأستاذ فاروق يكلمها ويترجاها هي خلاص كانت قررت واخدتت قرارها وصممت عليه ومارجعتش فيه تاني .
ا إرضاء ليها وكمان علي ماتهدي كام يوم وتنسي وترجع تاني لشغلها وحالها يعني كأنه كان بيعملها أجازة مفتوحة ولأنه كمان بيحبها ماحبش يغصبها علي شئ هي مش عاوزاه …..
أماني خلاص روحت البيت لأمل ومنال وحكت ليهم كل اللي حصل في الشركة وقررت تسيب القاهرة كلها وترجع بلدهم لأهلها وتشوف أي شغل تكون فاهمة وعارفة فيه علشان تشتغله وهما كانوا زعلانين وبيحاولوا يقنعوها تتراجع عن قرارها لكن هي كانت خلاص عاوزة تسيب القاهرة كلها علشان تبعد عن فاروق وتمشي من قدامه علشان طول ماهو شايفها قدامه مش قادر ينساها لكن أكيد لما تبعد هينساها والمثل بيقول:
” البعيد عن العين بعيد عن القلب ”
وبالفعل قضت معاهم الليل وجهزت كل حاجاتها وخصوصياتها وباتت معاهم وودعتهم وكان بالنسبة ليها جرح وألم كبير بس هتعمل ايه بقي إرادة ربنا وسافرت أماني بلدهم لأهلها وحكت ليهم كل اللي حصل معاها وهما اتفاهموا معاها وبقوا فخورين بيها وبموقفها ووجهة نظرها ومامتها بقت تدعيلها ربنا يرزقها بابن الحلال اللي يسعدها ويعوضها كل خير ”
بقلم وتأليف:أية علي..
