_أماني :يا أستاذ فاروق سامحني مش هقدر أنا أوافق علي جوازي منك …
_أستاذ فاروق :ليه بس ياأماني أنا كده كده متجوز سواء أنتي أو غيرك أنا هتجوز عليها أنا مابقتش عاوزها أصلا في حياتي ….
_اماني :روح ياأستاذ فاروق اتجوز أي واحدة غيري اتجوز بنت كمان مش مطلقة أكيد هتلاقي اللي أحلي وأصغر مني وتناسبك عني وتكون أحسن وأفضل مني بكتير المهم ماأكونش أنا يا أستاذ فاروق ….
_أستاذ فاروق وقتها احس بزعل وكسرة منه وجوه قلبه علي تصميمها وثبوتها عند رأيها وكلامها ورد وقال :
“يعني ده آخر كلام عندك ياأماني خلاص هو ده رأيك وكلامك مافيش أمل إنك تفكري وتوافقي ”
_اماني :أيوة ياأستاذ فاروق ده رأي وكلامي وأنا أسفة لحضرتك والله بس ربنا يخليك لمراتك وولادك ..
_أستاذ فاروق :ماشي ياأماني بس اعرفي إنك خسرتيني وبعتيني وأنا بحبك أوي وانا فعلا قلبي اتجرح واتكسر منك جامد ….
_أماني :ماتقولش الكلام ده يا أستاذ فاروق بكرة تنسي كل حاجة إن شاءالله احنا مافيش بينا أي شئ لكده ….
_أستاذ فاروق :ماشي ياأماني ….
السلام عليكم ورحمه الله وبركاته…
_كلهم في صوت واحد :وعليكم السلام ورحمه الله وبركاته…..
“وقام الأستاذ فاروق من مكانه ومشي ونزل من باب البيت وهو حزين من جواه علي رفضها المستمر ليه وفضل سايق وماشي بعربيته لحد ماراح في مكان بعيد وهادي ووقف فيه وبقي زعلان ومجروح وبيبكي وبيسأل نفسه كذا سؤال :
_ياترا ترفضني ليه ؟
_هو أنا فيا شئ غلط ؟
_ياترا مراتي وعيالي هما السبب فعلا ؟
_معقول فيه حد كده في الزمن ده بالأخلاق والأنسانية دي كلها ؟
_اشمعني هي فعلا اللي أنا حبتها من بين كل الستات والبنات اللي قدامي وبيجروا ورايا وبيتمنوني ؟
وفضل ومازال طول الليل عالحال ده ومراته بقت قلقانة عليه وتفضل تتصل وترن كتير عليه لكن هو كان قافل فونه علشان مش عاوز يكلم أي حد ومارجعش البيت غير الصبح واتحجج لمراته إنه كان مدايق من مشاكل كتيرة في شغله وكان بايت لوحده في شقتهم التانية اللي في فيصل علشان يكون مع نفسه ومايسببش لمراته والولاد أي زعل وهما مايشوفوش أبوهم زعلان وماقدرش يروح الشغل يومها من سهره طول الليل وأماني لاحظت غيابه في اليوم ده بس طبعاً مش شاغلة بالها وشايفة شغلها وحالها ……
سماح فكرت في خطة علشان تبوظ جوازة فاروق من أماني وخطرت في بالها خطة جنهمية تفكير من تفكير الشياطين وبالفعل عملتها ….
أول حاجة سماح عملتها صورت أماني صورة علي مكتبها وهي مش واخدة بالها وشغالة وكأنها كانت بتلعب في فونها أو شغالة عليه ….
تاني حاجة عملتها سماح فضلت تفكر كتير إزاي توصل لزوجة الأستاذ فاروق ولرقم فونها علشان تكلمها وتقولها عاللي جوزها هيعمله وطبعاً الأستاذ فاروق ليه أسراره وخصوصياته ومش سهل أي حد يوصله ولايوصل لمراته وبيته وولاده لحد ماخطرت في بالها فكرة وقدرت توصل لرقم فون مراته …..
الأستاذ فاروق ليه سواقه الخاص اللي بيوصله شغله وبيته وسواق مراته وولاده برضه هو سواق العيلة بيوصلهم لشغلهم وحالهم وطبعاً مرتبه عالي لانه سواق الباشا وعيلته بس راجل محترم وأمين والأستاذ فاروق مطمن علي مراته وعياله معاه فطبعا السواق معاه رقم كل حد فيهم علشان يعرف مكانهم وهما فين وكده علشان يجيبهم ويوديهم ….
في يوم من الأيام كان جاي لأستاذ فاروق الشركة يوصله شغل وورق ليه سماح قررت تنزل تجيبه منه هي وطلبت منه فونه بحجة ترن منه علي جوزها ضروري وطبعاً فون السواق فون بسيط مش باسورد ولافونات غالية وعالية …..
_سماح بقلق مصنطع : عم عزت ممكن تليفونك ثانية بس ارن علي جوزي يجيب ابني من المدرسة لأن فوني بيشحن فوق في المكتب …..
_عم عزت بعفوية وطيبة ومش مديها أي خوانه :
“اتفضلي يابنتي تحت امرك ”
سماح اخدتت منه الفون ودورت في الارقام لحد ماجابت رقم مراته وبعتته ليها علي فونها في مسج رسالة وبعديها علشان مايشكش السواق فيها كلمت جوزها وقالتله ماتنساش تجيب الواد من المدرسة ….
_سماح :ألف شكر ياعم عزت …
_عم عزت : الشكر لله يابنتي سلام عليكم…
ومشي السواق وسماح بقت في قمة سعادتها قدرت تجيب اللي هي عاوزه وهتنفذ خطتها بقي ….
في الشركة فوق عند أماني علي مكتبها بتشوف شغلها وحالها إتفاجئت بالأستاذ فاروق جاي عليها وبيكلمها تاني في نفس الموضوع وبيحاول معاها …
_أستاذ فاروق :لسه برضه ياأماني مصممة عاللي في دماغك ورافضاني طب ادي لنفسك فرصة حتي تعرفيني وتشوفيني وربنا لاتحبيني أوي …
_اماني :لو سمحت ياأستاذ فاروق ماتضغطش وتحاول تأثر عليا أكتر من كده ربنا يخليك لمراتك وولادك …..
_الأستاذ فاروق :برضه ياأماني ….
وفجأة إتفاجئوا بسماح جاية تنادي عالأستاذ فاروق وتديه الورق …..
_سماح بغيرة من أماني :أستاذ فاروق اتفضل الورق وبحنية ودلع موجهين ليه نزلت جبتهولك بنفسي وطبعاً بصت لأماني بصة كره وغل ….
أماني ولافي بالها وشغالة في الكمبيوتر ….
_الأستاذ فاروق وهو فاهم حركات سماح رد عليها بذوق وإحترام عادي :
“شكرا ياسماح ماكانش ليه داعي تتعبي نفسك ”
_سماح :تعبك راحة أي خدمة يامدير ….
الأستاذ فاروق :شكرا واخد الورق ودخل علي مكتبه الخاص وقفل عليه ….
سماح بكل غيرة وغل أكتر جواها وفي نفسها راحت علي مكتبها تكمل شغلها بس بقت مستنية اليوم يعدي ويخلص الشغل وتروح البيت علشان تكلم مرات الأستاذ فاروق وتقولها وتبوظ الجوازة ..
وبالفعل خلص اليوم والكل خلص شغله وروح علي بيته وسماح وهي في طريقها لبيتها عدت علي أقرب سنترال ليهم واشترت منه شريحة جديدة برقم فون جديد علشان يكون غير معروف وشغلته عندها واتصلت بزوجة الأستاذ فاروق …..
_زوجة الأستاذ فاروق حنان :ألوووو السلام عليكم ورحمه الله مين حضرتك ……
_سماح :حضرتك برضه مرات الأستاذ فاروق……
_حنان :أيوة تمام مين أنتي بقي ….
_سماح : أنا واحدة جوزك بيحبني وعاوز يتجوزني وأنا الصراحة بحبه وبحبه جدًا ووافقت اتجوزه أول ماطلب إيدي علي طول بس هو بقي ماكانش عاوز يعرفك غير يوم كتب الكتاب لأنه خايف علي زعلك واهو بيقول تعرفي بعد الفاس ماتقع في الراس زي ما بيقولوا كده فحبيت أعرفك علشان تكوني علي نور وماتبقيش نايمة على ودانك برضه مسكينة حضرتك والله وصعبتي عليا بس اعمل ايه بقي الحب وأنا ماأقدرش استغني عنه ده حلم حياتي من أول مااشتغلت معاه في الشركة أعرفك بنفسي أماني وهبعتلك صورتي كمان علشان تبقي عرفاني ..
_حنان :أنتي واحدة كدابة أنتي عاوزة ايه من اللي أنتي بتعمليه ده وهدفك وغرضك ايه ….
_سماح :والله مابكدب عليكي بس معاكي عذرك برضه وهبعتلك صورتي كمان واتس …..
_حنان :ماشي بالك لو طلعتي كدابة لاهعرفك مقامك بقي بجد ….
_سماح :لا مش كدابة وأنا شغالة معاه في شركة برمجة كمبيوتر وإلكترونيات وهو مديري ومديرنا كلنا سلام …..
وقفلوا الفون مع بعضهم وبقت سماح مبسوطة وأول حاجة عملتها طلعت الشريحة من الفون وكسرتها ورمتها علي طول علشان مايبقاش سهل التعارف عالرقم ….
حنان أول ماقفلت معاها بكل عقل وأعصاب باردة وعدم تهور وتصرفات متسرعة زي أي ست بتعمل أول ماتعرف أو تسمع إن جوزها هيتجوز عليها راحت اتصلت بفاروق تكلمه يجي البيت لأنها عاوزاه في موضوع مهم وطبعاً كده كده ميعاد شغلهم خلص ….
