و طبعاً قفلوا مع بعضهم الفون وبقت عزيزة تدعي لسماح ربنا يهديها وترجع عن كل اللي في دماغها …
وسماح بتفكر تعمل في أماني وأستاذ فاروق ايه علشان الجوازة دي مش تتم ….
بعد مرور كام يوم علي أبطال قصتنا وأحداثها:
أماني في شغلها وحالها وناسية الموضوع خالص وبتتعامل عادي مع الأستاذ فاروق في الشغل وعايشة حياتها ولاكأن شئ حصل …..
الأستاذ فاروق مازال بيتعلق بيها وبيحبها ومش قادر يسيبها أبدأ ولاينسي تفكيره فيها ودائما هي في عقله وباله طول الوقت …..
سماح بتفكر تعمل فيهم ايه علشان الجوازة دي مش تتم وكمان بقت غيرانة من أماني وحطاها في دماغها دائما وعاوزة تنتقم منها وتفرج عليها الناس ..
أمل بنت خال أماني مازالت دائما في خناقات مع خطيبها علي أتفه الأسباب …
منال صاحبتهم مازالت في شغلها وحالها وماشية فيه زي الفل وعادي حياتها حلوة …..
في يوم من الأيام في المساء عند أماني وأمل ومنال في شقتهم كانوا بيجهزوا العشا وأماني كانت عليها الدور في تجهيزه يومها ….
أمل كانت وقتها باصة من شباك الأوضة في الشارع لقت عربية ملاكي فخمة وقفت تحت البيت وركنت ونزل منها راجل ببدلته السمرة والكرافتة بتاعته وذو قيمة وهيبة عالية أمل بقت باصة ليه بذهول وعجبها أوي وبقت تقول في نفسها وجواها :
“ياااااه شوف الناس المتريشة اللي بتلعب بالفلوس لعب بدل وعربيات ملاكي مش أنا وحظي الأسود مخطوبة للفقر ده بس ياترا الرجل ده ايه اللي جايبه هنا القاهرة في الأماكن القديمة دي ده تلاقيه عايش في المعادي في مدينة نصر في مصر الجديدة مش بعيد كمان يكون جاي من بلاد بره …..
لكن إتفاجئت أمل وكلهم بصوت خبط عالباب فاستغربوا فراحت منال ورا الباب وقالت مين :
_الأستاذ فاروق :أنا أستاذ فاروق مدير شركة برمجة كمبيوتر وإلكترونيات …
دخلت منال جري علي أماني لانه قال اسم الشركة اللي بتشتغل فيها وقالتلها :
“أماني الحقي واحد من شركة برمجة كمبيوتر وإلكترونيات جاي بيخبط عالباب وبيقول اسمه أستاذ فاروق أنتي تعرفيه ولاايه دا اسم الشركة اللي أنتي بتشتغلي فيها ….
_أماني :أيوة ده مديرنا ….
_ أمل بفرحة وبهجة :ايه ده بجد الرجل الأبهة ده مديرك يابت في الشركة…..
_منال :وأنتي مالك ياختي فرحتي أوي كده ليه …
_أمل :أه ياختي فرحت شوفوا الناس البشوات وبعدين احنا مش هنسيب الرجل كده عالباب واقف وجريت أمل علي طول فتحتله الباب ….
أماني وأمل حاولوا يمنعوها علي مايشوفوا يتصرفوا إزاي لأن طبعاً راجل يتجرأ ويجي البيت ل3بنات وهما لوحدهم دي حاجة ماتصحش وماتنفعش ودي بجاحة بس هو بقي مستقوي نفسه بشغله وعمله وهيبته وتقله في المكان وماحدش هيقدر يقوله أنتا بتعمل ايه لأن طبعاً أي حد بيخاف منه وبيهيبه وبيعمله ألف حساب …..
_أماني لأمل :شايفة ياأمل صاحبتك وعمايلها المتسرعة زيها طب دي رايحة تفتحله ليه بقي واحنا لوحدنا في الشقة دي مابتفتحش لحسن خطيبها كده..
_منال : أه والنبي دي بت مطيورة طول عمرها لا وايه راحت تفتحله بالبيجامة وبشعرها كمان ونسيت نفسها خالص ….
_أماني :مش عارفة ايه ده والله ربنا يهديها طب اطلعي شوفيهم علي مااغير هدومي واجي اشوف فيه ايه ….
_منال :صحيح ياأماني هو ليه مديرك جايلك البيت هنا فيه ايه ياأماني عملتي مشاكل ولا حاجة في الشغل …..
_أماني :لا يامنال بس هو من كام يوم جالي وقالي إنه معجب بيا وبيحبني وعاوز يتجوزني …..
_منال :أه وأنتي اتصرفتي إزاي وقتها ولاعملتي ايه..
_أماني :رفضت طبعاً يامنال ….
_منال :طب ليه ياأماني رفضتيه أنتي لسه بتحبي نادر وناوية تعيشي علي ذاكراه ولاايه ماتوقفيش حياتك عليه ياأماني وعيشي وشوفي حياتك أنتي قبل العمر مايجري بيكي وتلاقي نفسك لوحدك ومالكيش حد ….
_أماني :لا طبعاً نادر ايه ده اللي أنا هعيش علي ذاكراه نادر ده كانت قصة حب فاشلة وأنا بندم وبكره نفسي كل يوم ميت ألف مرة إني حبيته يلا ربنا يسهله ويسهلي اهو راح لحاله الفكرة في رفضي لجوازي من الأستاذ فاروق إنو راجل متجوز ومعاه مراته وولاده وأنا مااخدش راجل من علي مراته وعياله أبدأ ولااسمح لنفسي أكون زوجة تانية يامنال ……
_منال :عارفة وطبعاً ده شئ جميل منك ياأماني مافيش حد يفكر في كده اي واحدة يتقدملها راجل زي ده هتوافق علي طول بدون تردد وتقول يلا نفسي اتجوز وأعيش وادلع في العز والفلوس دي ….
_أماني:فلوس ايه وعز ايه والكلام ده هو أستاذ فاروق ده اهبل ولاعبيط هو ولاغيره هيرمي ماله كده هو بيفرق وبعدين مراته وولاده هما أولا بيه من أي حد ده عاوز يتجوز يدلع وخلاص مع واحدة حلوة تدلعه بس في النهاية مافيش أغلي من مراته وعياله ….
_منال :فعلا والله صح كلامك ياأماني …
_أماني :طب يلا اطلعي جهزيله حاجة يشربها وشوفي البت المتسرعة أمل اعدة بترغي معاه في ايه وانا هلبس دريس واتحجب واجي علي طول وربنا يعدي الليلة دي علي خير …….
ولبست أماني دريس طويل من دولابها وعليه طرحة طويلة ….
وطلعت منال عملت عصير مانجة لأستاذ فاروق …
ولما طلعت لقت أمل اعدة بتحكي وبتتكلم معاه وهزار وضحك وهو عادي بيجاريها في الكلام وطبعاً أمل لابسة بيجامة صيفي بنص كم والبنطلون ضيق عليها وهي مليانة وشعرها باين وناعم فطبعا الأستاذ فاروق أول ماشافها عجبته برضه وملت عينه بس عادي لمجرد واحدة وخلاص عينه زاغت عليها….
_منال :أهلا وسهلا بحضرتك يا أستاذ فاروق نورتنا والله احنا زارنا النبي ولاايه يابت أمل زي ما بيقولوا عندنا كده في البلد …..
_أمل :طبعا يابت منال اومال ايه ….
منال بقت تغمز لأمل كده في سرها إنها تهدي شوية وتتقل وتبطل كلام وضحك مع الراجل أكتر من كده لأنها كانت زودتها أوي معاه وكمان تقوم تلبس حاجة كويسة ومحتشمة بس طبعاً أمل طنشت وماسالتش عنها علشان تفضل اعدة معاه ومعاهم……
_الأستاذ فاروق :تسلمو والله ألف شكر ليكم بس ممكن اعرف أماني مش عاوزة تطلع تقابلني ولاايه …
_أمل :أنا عارفة والله هي بت صعبة كده طول عمرها ومخلبانا ومخلبة أهلها معاها دائما….
منال بصتلها بصة حذر تقصد تقولها ماتتكلميش وحش عن بنت عمتها قدام الرجل الغريب وردت هي وصححت الجملة وقالت :
“لا يا أستاذ فاروق هي طالعة اهي بس بتلبس حاجة وجاية لانها بتكون في البيت اعدة بلبس البيت وهي بتنكسف شوية ”
_أستاذ فاروق :ودي أحلي حاجة عجبتني فيها وعلشان كده نفسي توافق تتجوزني وأنا هسعدها وهخليها أحسن إنسانة في الدنيا كلها وهعوضها عن أي شئ حصلها قبل كده وهخليها تنسي كل اللي فات هي بس توافق وتقول أه وهتشوف فاروق هيعيشها إزاي …..
أمل فجأة الحقد والغيرة ملو قلبها وبقت غيرانة من جواها وبتقول :
“يابنت الايه ياأماني وقعتيه إزاي ده لا وكمان ماانتش موافقة بيه ده أنتي متسرعة بقي ولاعبيطة ولاحابة تسوقي دلالك وتشوفي نفسك عليه وتبقي مرغوبة ومتعازة ”
وفجأة فاقت أمل من شرودها علي أماني وهي خارجة وزي العسل في الدريس اللبني والطرحة البيضة رغم إنها مش حاطة أي ميكيب في وشها بس هي جمالها طبيعي وبياضها ناصع وجسمها صغير ورفيع وأي حد يشوفها مايصدقش إنها سبق ليها الجواز قبل كده …..
_اماني :السلام عليكم ورحمه الله وبركاته…
“أهلا بحضرتك يا أستاذ فاروق نورتنا والله ”
_أستاذ فاروق :ده نورك أنتي ياأماني أنا متكلم مع قريبتك وصاحبتك اهوه يااريت توافقي تتجوزيني وأنا هسعدك سعادة مالهاش أول من أخر وهنسيكي كل اللي فات من حياتك أنا شاريكي وشاري ترابك والله ياأماني أوعي تخافي من أي حاجة مراتي دي لاهتشوفيها ولاهتشوفك ولاهتعرفوا بعضكم وهي وولادها واخدين حقهم تالت ومتلت والله يعني مش هظلمها ولاهظلمك أبدأ ….
