ومشيت أماني وتركت الأستاذ فاروق واقف لوحده بس للأسف اللي في دماغه في دماغه ومش راضي يرجع عنه وكلامها ولاأثر معاه بأي شئ ولاهز شعرة منه وضحك ضحكة إبتسامة نصر وغرور لنفسه وقال :
“برضه مش هسيبك ياأماني ومش الاستاذ فاروق اللي كل البنات اللي لسه مااتجوزوش والستات اللي متجوزين ومع رجالتهم بيجروا وراه ويتمنوا بس منه نظرة ولاكلمة ولاحتي يمشي معاهم وعلي إستعداد يسيبوا رجالتهم وعيالهم علشاني هتيجي عيلة صغيرة ماحصلتش 30تلاتين سنة ومطلقة كمان ترفضني أنا وهي ماتوصلش ربعهم في جمالهم ولاحلاوتهم ولامالهم ناس تحل من علي حبل المشنقة …..
وخرج من الشركة وركب عربيته وسرح مع نفسه يفكر في اللي حصل وفي نفس الوقت حدث حوار بين قلبه وعقله وبقي عقله يسأله وقلبه يجاوبه ومن هنا بدأ الحوار بين العقل والقلب :
_العقل :طب اشمعنا هي اللي أنتا متمسك بيها وعاوزها أوي وزي مابتقول فيه اللي بيجروا وراك وهبيحبوك جدًا وبيتمنوا التراب اللي أنتا بتمشي عليه خلاص سيبك منها وشوف غيرها …..
_القلب :بحبها هي اللي اخدتت قلبي معاها وشدتني ليها فجأة من أول ماشوفتها وعرفتها وكل يوم عن اليوم اللي قبله بتأكد من حبي ليها ….
_ العقل :طب هي رفصتك ليه ترخص نفسك قدامها تاني وتسمح لعيلة صغيرة زي دي ترفضك كذا مرة أنتا راجل كبير بإسمك وليك هيبتك وقيمتك وكمان متجوز ومخلف يبقي فكك من البت دي واعتبرها واحدة زي أي واحدة وخلاص …..
_القلب :لا أنا بحبها ومش هقدر اسيبها ولااستغني عنها ومافيش كرامة في الحب واللي أنا عاوزه هو اللي هيحصل هتجوزها يعني هتجوزها ولو أخر يوم في عمري…..
ورجع الأستاذ فاروق بيته وهو عقله شارد منه في كل اللي حصل ده ومذهول إزاي أماني ترفضه ….
أماني كانت رجعت البيت متأخرة ولقت أمل ومنال كانوا هناك ومستغربين غيابها فسألوها :
_أماني :ازيكم يابنات ….
_أمل :الله يسلمك ياأماني ايه يابنتي إتاخرتي كده ليه ….
_أماني :مافيش ضغط شغل بس خلصته بسرعة وجيت علي طول لانك عارفة مش بحب اسيب حاجة متراكمة عليا ….
_منال : طبعاً مش قولتلك ياأمل هتلاقي الشغل اخدها ونسيت نفسها كعادتها ….
طبعاً أماني ماحبتش تحكي ليهم حاجة علشان ماتعملش لنفسها وش ويفضلوا يسألوا فيها ويكلموها كل شوية في الموضوع ده وهي كده كده رافضة المبدأ من الأول واعتبرت كأن مافيش أي حاجة حصلت وظنت إن الأستاذ فاروق نسي هو كمان ومش هيسمح لنفسه ولالهيبته وقيمته إنه يقلل منها تاني وإنه خلاص قرر مع نفسه إنه مش هيتكلم معاها في الموضوع ده بعد كده …..
في المساء في البيت عند أستاذ فاروق وزوجته :
الأستاذ فاروق أول مارجع بيته دخل اخد حمام شاور علي طول ودخل علي أوضته وقفلها عليه وفضل سرحان وشارد وتايه مع نفسه ….
الزوجة في المطبخ بتجهز العشا وخلصته وطلعته عالسفرة وندهت للأولاد علشان يتجمعوا ويتعشوا مع بعضهم ودخلت لفاروق علشان تنادي عليه ففتحت عليه باب الأوضة ودخلت ليه وهي في منتهي جمالها وشياكتها وأناقتها من جميع كل شئ فيها لبس وشكل وميكيب وإهتمام دائم بنفسها وقربت منه بكل حب ورقة وحنية علي سريره وقالتله :…..
_الزوجة حنان :فاروق ياحبيبي ايه مش هتنزل تتعشا معانا ومع الأولاد ولاايه دول مستنياك بفارغ الصبر وعاوزين يتعشوا معاك النهاردة الخميس بقي وبكرة أجازتهم ومخلصين كل مذاكرتهم علشان يبقوا معاك الليلادي ولما يطلعوا يناموا أنا بعدهم إن شاءالله يعني الليلادي ليا ولولادك بس تقوم أنتا بقي تسيبنا كده وتقعد في أوضتك لوحدك وتقفلها عليك …
_فاروق :أسف والله ياحبيبتي بس مدايق شوية ….
_حنان :خير ياحبيبي ايه اللي مدايقك طمني عليك .
_فاروق :مافيش شوية مشاكل في الشغل كده وهتتحل إن شاءالله….
_حنان :حبيبي ولايهمك وأنسي وارمي ورا ضهرك أي حاجة تزعلك أو تضايقك لادام خلصت حالك وشغلك ورجعت بيتك خلاص هتعمل ايه يعني أكتر من اللي أنتا بتعمله الأنسان لازم يرتاح شوية كده ويريح نفسه مايبقاش ضاغط عليها في كل وقت ويلا بقي قوم اتعشا مع ولادك ومعايا وأنا بقي هخرجك من كل اللي أنتا فيه ده وهخليك تنساه بس الولاد يناموا الأول …..
_فاروق ابتسم ليها وقال :تمام ياحبي أنا عندي أغلي منك ومن ولادي برضه ونزل معاها واتعشوا وخلصوا وسهروا الاولاد وقت كبير مع باباهم لعب وضحك وهزار لحد ماناموا وبعدين مراته وكانت كالعادة أحلي وأجمل ليلة وكأنهم لسه متجوزين ليلة دخلتهم وطبعا كان صابح يوم إجازته فضلوا سهرانين طول الليل مع بعض أسعد زوجين وفضلوا نايمين لحد الضهر كلهم هما والاولاد …..
وطبعاً ده كان أكبر دليل إن مهما الراجل يحب ويعوز يتجوز علي مراته في النهاية مراته الأولي أم ولاده عشره عمره وحياته هي اللي هتفضل في القلب وهي اللي هتعرف تخليه يرجعلها ويسيب أي واحدة هو حبها ……
في المساء في البيت عند سماح :
سماح كان زوجها مسافر في اليوم ده عند أهله وأهلها في بلدهم وطبعاً سماح حبت تخليه يأخد الولاد معاه بحجة إنهم يتفسحوا يوم كده وأهلهم يشوفوهم وهما يشوفوا أهلهم وطبعا هي ماسافرتش معاه لانه يوم وهيرجع علي طول وكمان علشان شغلها ….
سماح اتصلت بصاحبتها عزيزةعلشان تقدر تاخد راحتها معاها وتحكليها عاللي مزعلها وحارق دمها بقاله كام يوم وهي مش علي بعضها ومش طايقة نفسها .
_عزيزة :ألووو ياسماح عاملة ايه ياحبيبتي….
_سماح : هكون عاملة ايه زي الزفت والاطران طبعاً..
_عزيزة :ياساتر يارب خير بس العيال ولاأبوهم مزعلينك في حاجة …
_سماح :ياختي افتكري حاجة عدلة أبو العيال ايه وزفت ايه ده كمان ده حاجة بقت تقرف …….
_عزيزة :اومال فيه ايه ياسماح قلقتيني ماتخلصي تقولي مالك وايه اللي عامل فيكي كده ….
