رويات

هربت من امها

نسخ+تقسيم

رد عليه صاحبه بصوت فاتر: “يا عم بلا حاجة خبطت في رجلك بلا كلام… دي الديكورات ولا ترابيزات الفرح المعفنة دي، اخلص واشرب الكوكتيل بتاعك عشان نمشي.”

تحت الترابيزة، أميرة كانت حابسة نفسها، وقلبها بيدق بسرعة كأنه هيطلع من صدرها.

بصت لسليم اللي كانت عينه مركزة على حركة رجلين الاتنين اللي برة، ومحافظ على هدوءه بشكل غريب.

بعد ثواني، سمعوا صوت قيامهم وابتعادهم عن الترابيزة وهم بيقولوا بصوت واطي بيضيع وسط زحمة القاعة: “طب يلا بينا ندخل جوه قبل ما الأستاذ يشوفنا واقفين.”

خطواتهم بدأت تبعد وتتلاشى تدريجياً لحد ما المكان رجع هادي خالص.

سليم أخد نفس عميق، ومال برأسه على المفرش وبص لأميرة اللي كانت عينيها بتراقبه بدهشة، وقال بصوت واطي ونبرة هادية فيها تلميح ابتسامة: “شكل ليلتنا اللي بدأت بهرب من الأمهات… هتنتهي بمغامرة غير متوقعة.”

أميرة بلعت ريقها بصعوبة، وبعدين بصت للطبق الفاضي وللساندوتش اللي خلص، وقالت بابتسامة متوترة بس فيها تحدي: “بص يا ابن الناس… طالما هربنا من الأمهات وطلعنا أغراب عن بعض، ودخلنا في حكاية الأستاذ حتحوت دي… يبقى مفيش قدامنا غير حل واحد.”

“إيه هو؟”

رفعت إيدها ونفضت هدومها بجرأة وقالت: “نطلع نكمل أكل البوفيه برة، وبعدين نشوف موضوع المجموعة دي، أصل الجوع كافر والصراحة الحكاية دي مش هتخليني أنسى الأكل!”

سليم ضحك بصوت عالي، لأول مرة من غير ما يهتم مين يسمعه، ومد إيده ليها عشان يساعدها تطلع من تحت الترابيزة، وقال: “على بركة الله… أهو بالمرة نتخلص من بيانكا وشاهيناز للأبد!”

#حكايات_شروق_خالد

عريس هارب ورجل غامض… ومغامرة بدأت تحت ترابيزة الفرح!

#حكايات_شروق_خالد

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى