قفل الباب وراه ببطء، ووقف في نص الصالة كأنه ضائع وسط تفاصيل حياة هو كان السبب في قسوتها.”قعدتك واقفة كده مش هتغير اللي حصل يا مراد بيه،” قالت مريم وهي بتقعد على كنبة بسيطة، وتشاور له بإيدها ببرود متعمد: “اقعد.
“قعد مراد على حرف الكنبة، وعيونه متثبتة عليها، كأنه بيحاول يلاقي ملامح الست اللي حبها زمان جوه الست القوية اللي قاعدة قدامه:”فهميني.. فهمني إزاي التوأم دول ولادي.. وإزاي اتولدوا بعد طلاقنا بسبعة شهور؟ إزاي خبيتي عني حاجة زي دي؟
كنتي فاكرة إني ممكن أعمل إيه؟ أرميهم في الشارع؟ ولا أتنصل من مسؤليتي؟!”ضحكة خفيفة وقاسية طلعت من حلق مريم، ضحكة مليانة مرارة السنين اللي فاتت:”تنصل من مسؤوليتك؟! ههههه.. ضحكتني يا مراد. هو إنت في يوم من الأيام كنت بتعرف تفرق بين المسؤولية وبين صفقات البزنس بتاعتك؟
! “قامت مريم وقفت قدامه، وبدأت تفجر القنابل واحدة ورا التانية بصوت هادي بس جارح زي السكــ,,ـــــينة:”يوم ما طلقتني.. تفتكر ليه سبتك؟ عشان كنت فاضي ليا؟ ولا عشان كنت بتصرف عليا من وقتك ومشاعرك؟ إنت طلقتني برسايل على الموبايل وأنت في طيارة رايح صفقاتك في لندن، وبعتّ لي ورقة الطلاق مع الموظف بتاعك كأني صفقة خسرانة في شركتك!
وقتها.. يوم ما وقعت على الورقة، كنت أنا في المستشفى.. الدكتورة لسه قايلالي الخبر اللي ما عرفتهوش أنت.. إني حامل.”مراد اتجمد في مكانه، وعيونه اتسعت بصدمة رهيبة:”حامل؟! إنتي.. إنتي كنتي حامل وقت الطلاق؟!””كنت حامل في أول أسبوعين،” كملت مريم ودموع غصب عنها لمعت في عيونها بس سيطرت عليها بسرعة: “يومها، كلمتك.
. كلمت سكرتيرك ألف مرة عشان تديني دقيقة واحدة بس.. دقيقة أقولك فيها إني هنديك حتة مني.. حتة تملى عليك دنيتك اللي ماليها الشغل وفلوس الأسهم. بس عارفين ردك كان إيه؟ ‘مدام مريم، مراد بيه في اجتماع مغلق ومش فاضي للتفاهات دي، ورقة طلاقك هتوصلك الصبح’.
وقتها مات كل إحساس بالضعف جوهري يا مراد.”قعد مراد حاطط إيديه على وشه، وحس كأن الدنيا بتلف بيه. تذكر اليوم ده كويس.. تذكر غروره وعطر النجاح الأعمى اللي كان مسيطر عليه وقتها، وازاي ضيع بايده أجمل نعمة ربنا هداه بيها. ”بس..
بس ليه ما حاولتيش توصلي لي بعد ما أولاد جهزوا واتولدو؟ ليه سبتيني أعيش السنين دي كلها وأنا ما أعرفش إن ليّ دم وأولاد؟!” سألها بصوت متحشرج مليان رجاء وندم.”ولادك؟!” بصت له مريم بغضب مستعر: “دلوقتي بقوا أولادك؟
! لما كنت أنا بمــ,,ـــــوت في المستشفى وعندي ديون بآلاف الجنيهات عشان عمليات ولادتهم المبكرة.. ولما كنت بركب مواصلات مع طفلين رضع في عز البرد عشان أروح أقبــ,,ـــــض ملاليم أكل بيها عيش حلال.. كنت فين أنت؟! كنت بتشتري أبراج جديدة وتحتفل بإنجازاتك!
أنا ربيتهم بعرقي، وبكرامتي اللي ما رضيتش أبداً أتمرغ في طين أموالك.. والفلوس اللي بعتها للمدرسة دي؟ اعتبرها تمن صدمتي فيك.. بس فكر تشتري كرامتي أو تدخل حياتهم بالطريقة الرخيصة دي، صدقني يا مراد، هحول حياتك لجحيم ما تخيلتهوش!
“مراد حس بوجع في صدـ,,ـــره أقسى بكتير من أي خسارة مالية مر بيها في حياته. مد إيده باهتزاز وقال بصوت مكسور:”أنا غبي.. عارف إني غبي وظالم.. بس ارجوك يا مريم، اديني فرصة.. فرصة واحدة أصلح اللي أفسدته.. أنا مستعد أكتب ليهم نص ثروتي.. مستعد أعمل. ..
“”فلوسك دي تبلها وتشرب مويتها يا مراد الدالي!” قاطعته بحسم وقوة: “ولادي مش للبيع.. ومش هخليهم يعرفوا إن ليهم أب إلا لما تثبت لنفسك قبلهم، إنك تحولت من ماكينة فلوس متغطرسة.. لإنسان بيعرف يعني إيه أب بجد.
في اللحظة دي، وقبل ما مراد يرد، انفتح باب الأوضة الصغيرة جوه الشقة بهدوء.. وطلع منها واحد من التوأم (يوسف)، وهو بيمسح عيونه بنوم، وماسك دبدوب قديم في إيده، وصوته الصغير الناعم هز الصالة:”ماما.. هو فيه حد بره؟
أنا سمعت صوت عالي.. مين ده؟”مراد وقف مكانه كأن صاعقة ضــ,,ـــــربته.. بص للطفل الصغير اللي نسخه التاني واقف جوه نايم.. والقلب اللي في صدـ,,ـــره وقف تقريبا عن نبض.مراد بلع ريقه بصعوبة بالغة، وحس إن قلبه كأنه اتخلع من مكانه وهو باصص للطفل الصغير..
كان نسخة مصغرة منه وهو في السن ده، نفس نظرة العيون الواسعة، ونفس الشفايف.مريم اتخضت لحظة، بس بسرعة هبت واقفة وحطت إيدها على كتف يوسف بحنان طاغٍ، وخبت توترها بابتسامة دافئة عشان متخوفش ابنها:”حبيبي يا يوسف.. إنت إيه اللي صحاك يا روحي؟
“”سمعت صوت عالي يا ماما،” قالها يوسف وهو بيمسح عيونه بكسل، وبعدين وجه نظره ببرائة لمراد الواقف مسمّر قدامه: “مين ده يا ماما؟ شكله طيب.. هو جاي يزورنا؟”مراد حس بغصة خانقة في حلقه، ودمعة غصب عنه هربت ولمعت في عيونه.
حاول يبتسم ابتسامة مهتزة، ووطى على ركبه قدامه عشان يكون في مستواه، وقال بصوت متحشرج:”أنا.. أنا عمو مراد يا يوسف.. صديق قديم لماما، وكنت معدي أسلم.”يوسف بص له بذكاء طفولي وقال:”هو أنت بتشتغل في البناء زي ما كنت أسمع في التلفزيون؟
أنا بحب الصواريخ والبنايات العالية قوي! “قبل ما مراد يرد ويحــ,,ـــــضنه، مريم تدخلت بحزم لطيف بس حاسم، وشالت يوسف بحــ,,ـــــضنها ورجعته الأوضة:”ادخل يا حبيبي كمل نومك، وبكرة الصبح هنتكلم.. عيب كده يا بطل.”قفلت مريم باب الأوضة بهدوء، وطلعت لمراد في الصالة.
. وملامح وجهها كانت بترد ببرود قاطع:”أظن العرض خلص يا مراد بيه.. وشفت ولادك زي ما كنت عايز.. اتفضل اخرج من بيتي بهدوء، ومن غير ما تعمل أي إزعاج.”مراد وقف وبص لها نظرة كلها توسل وندم حقيقي:”مريم.. ارجوكِ..
أنا مش عايز أفرض نفسي، ولا جاي أشتريكم بفلوسي زي ما كنت زمان.. بس ابني.. أنا أول مرة أشوف لحمي ودمي واقف قدامي. . حرام عليكِ تحرميني منهم!””وأنت حرمتني من إني أعيش وأنا مهددة بضياعهم لوحدي كام سنة؟!
” قالتها مريم بصوت مليان وجع سنين الطمس والقهر، ودموعها نزلت بصمت بس مسحتها بسرعة بعزة نفس: “الحياة مش بتمشي كده يا مراد.. اللي اتكسر زمان مبيصلحوش كلمتين حلوين في نص الليل. . لو فعلاً عايز تثبت لي إنك بني آدم تاني غير الشخص المتطاول اللي سابني زمان.
. اثبت ده بأفعالك، مش بدموعك!”في اليوم التاني.. مراد مخرجش من الحي الشعبي. ركن عربيته الفارهة البعيد، وأجرى تغيير جذري في شكله.. لبس لبس بسيط عادي، وقعد على القهوة البلدي اللي قدام عمارة مريم، باصص للشارع عينه مابتفارقش باب العمارة.
لما نزلت الصبح وهي واخدة يوسف وحمزة معاها عشان توصلهم الحضانة والمدرسة وتطلع على شغلها، لقت قدامها عربية أجرة (تاكسي) قديمة واقفة، والسواق بينزل ويقول لها بكل احترام:”يا أستاذة مريم. . الأستاذ مراد بيقول لحضرتك: ‘ارتاحي اليوم من زحمة المواصلات، والتاكسي ده تحت أمركم يوصلكم لحد المدرسة والشغل، ومن غير ما تضطري تركبي مواصلات متعبة مع الولاد’.
مريم بصت ناحية القهوة، لقت مراد واقف بعيد، حاطط إيديه في جيبه، باصص لها بنظرة كلها رجاء وتوسل إنه يقبل المساعدة دي البسيطة من غير ما يفرض سيطرته. ابتسمت مريم بسخرية خفيفة، بس جواها شيء بدأ يتحرك.. هل فعلاً “ملك المعمار” اتغير وبقى بيعرف يفكر في غيره؟
وقبل ما تقرر هتعمل إيه.. الولدين نطوا من الفرحة لما شافوا العربية، وقالوا بصوت واحد:”ياسااه يا ماما.. هنركب عربية زي الأصحابي!” مريم بصت للولدين اللي عيونهم كانت بتلمع بالفرحة، وبصت للتاكسي، وبعدين رجعت بصرها لمراد الواقف بعيد.
. شافت في عيونه نظرة رجاء حقيقي خالية من أي غرور أو تكبر بتاع زمان. ولأنها أم حكيمة وعارفة إن ولادها ملهمش ذنب في أي خلاف قديم، هزت راسها ووافقت تركب العربية هي والولاد، وقررت تدي لنفسها وليه فرصة، بس من غير ما تتنازل عن شروطها أو كرامتها
الأيام عدت، ومراد غير استراتيجيته تماماً. مابقاش يبعث فلوس خيالية أو هدايا غالية تكسر نفسها، لا.. بقى بيتعامل بذكاء وحنية؛ بيبعت حاجات بسيطة تفرح الولاد زي كشكول فضاء أو ألوان، ويقف دايماً من بعيد يحميهم ويطمئن عليهم من غير ما يفرض نفسه.لحد ما جه يوم الخميس.
. يوم “اليوم الرياضي والأنشطة” في مدرسة يوسف وحمزة.في الليلة دي، مريم كانت قاعدة بتجهز هدوم الولاد بقلب مقبوض. في المدرسة بكره، كل طفل هيدخل الملعب ومعاه أبوه يمسك إيده في مسابقات الجري والألعاب الجماعية. يوسف وحمزة قربوا منها بكسرة طفولية وقالوا بصوت خافت:”يا ماما.
. هو بكرة بابا هيجي معانا زي بقية أصحابنا في المدرسة؟”السؤال كان زي في قلبها. بلعت دموعها الغصب عنها وابتسمت لهم بابتسامة مصطنعة وهي بتمسح على شعرهم:”لا يا حبايب قلبي.. بابا مسافر وبيشتغل بعيد، بس أنا هبقى معاكم وهشجعكم بصوت عالي يكفي المدرسة كلها!
“الولدين هزوا راسهم بحزن، وناموا وهم حاسين بغصة في قلبهم وسط باقي أصحابهم.تاني يوم الصبح.. في ساحة المدرسة المليانة بالبهجة وأصوات الأطفال، كانت مريم واقفة على جنب، عيونها بدمع وهي شايفة يوسف وحمزة واقفين في زاوية الملعب لوحدهم، بيبصوا بحزن لآباء أصحابهم وهم بيشيلوهم وبيجروا معاهم في مسابقة الجري.
وفجأة.. وسط الزحمة والضوضاء، طلع صوت قوي ومألوف نادى بحماس شديد:”فين أبطال المدرسة.. يوسف وحمزة؟! مستعدين لسباق التتابع ولا إيه؟!”مريم التفتت بسرعة البرق، وعيونها وسعت من الصدمة!مراد.. “ملك المعمار” اللي كان مبيتحركش إلا بموكبه ورجالة حرسته..
