وخرجت.
وقفت قدامي.
ولا قالت بابا.
ولا حتى أهلًا.
قالت بس
إنت جيت ليه؟
صوتها كان هادي.
لكن الهدوء ده وجعني أكتر من أي خناقة.
قلت
عايز أفهم.
تفهم إيه؟
ليه لما كلمتك خمستاشر مرة، قلتيلي مين معايا؟
بصت للأرض.
عشان فعلًا ما كنتش عارفة إنك المتصل.
وبعد ما عرفت؟
رفعت عيني لي.
عرفت.
وما حسيتِش بحاجة؟
سكتت.
وبعدين قالت
حسيت.
اتنفست براحة بسيطة.
أمال ليه اتكلمتي معايا بالطريقة دي؟
قبل ما ترد، ياسين وقف بعيد شوية وقال
سارة، أنا هسيبكم لوحدكم.
دخلنا مكتب صغير.
قفلت الباب.
وقعدت قدامها.
لأول مرة من عشر سنين، أنا وسارة بقينا لوحدنا.
قلت
أنا جيت أقولك إني غلطت.
بصتلي باستغراب.
إنت؟
أيوه.
بعد عشر سنين؟
نزلت عيني.
اتأخرت.
ضحكت ضحكة قصيرة، من غير أي فرحة.
جدًا.
فضلنا ساكتين.
وبعدين سألتها
إنتِ زعلانة مني عشان الفلوس؟
هزت راسها.
لأ.
أمال عشان إيه؟
قالت
عشان آخر حاجة قلتها لي قبل ما أمشي من البيت
سكتت.
أنا افتكرت.
ما تستنيش حاجة من البيت ده.
حسيت بۏجع في صدري.
قلت
كنت ڠضبان.
ردت
وأنا كنت عندي 22 سنة.
سكت.
كملت
وإنت كنت أبويا. كان المفروض أعرف إن غضبك هيعدي.
بلعت ريقي.
وأنا كنت فاكر إنك هترجعي تعتذري.
ابتسمت بحزن.
وأنا كنت مستنية إنك تسأل عليا.
الكلمة دي نزلت عليا كأنها حجر.
طب ليه ما رجعتيش؟
بصتلي فترة طويلة.
وبعدين قالت
رجعت.
إمتى؟
بعد سنة من سفري.
إيه؟
جيت المنصورة مخصوص.
بدأت ذاكرتي تدور.
لكن ما افتكرتش.
قالت
وقفت قدام البيت.
وما خبطتيش؟
خبطت.
سألتها بسرعة
ومين فتح لك؟
سكتت.
وبعدين قالت
إنت.
حسيت إن الدنيا وقفت.
أنا؟
أيوه.
مستحيل.
إنت فتحت الباب، وبصيتلي، وقلتلي أنا قولتلك ما ترجعيش.
اتسعت عيني.
أنا فعلًا مش فاكر اللحظة دي.
يمكن عشان كانت من عشر سنين.
يمكن عشان كنت ڠضبان.
لكنها كانت فاكرة كل كلمة.
قالت
مشيت يومها، ومن وقتها ما رجعتش.
حطيت إيدي على وشي.
سارة
لكنها قاطعتني
مش ده اللي أنا عايزة أتكلم فيه.
رفعت عيني لها.
أمال إيه؟
قامت وفتحت درج المكتب.
طلعت منه ظرف بني قديم.
وحطته قدامي.
ده ليك.
بصيت للظرف.
كان مكتوب عليه بخط إيدها
إلى أبي إذا احتاجني يومًا.
قلبي بدأ يرتجف.
قلت
إيه ده؟
قالت
افتحه.
فتحت الظرف.
جواه ورق كتير
وفاتورة مستشفى.
وتقارير.
وصور.
لكن أول ورقة خلت إيدي تتجمد.
كان مكتوب فيها
تكلفة علاج حسن عبدالسلام.
رفعت عيني لها.
إيه ده؟
قالت بهدوء
من خمس سنين، عرفت إن عندك مشكلة في المفاصل.
عرفتي إزاي؟
كنت براقب أخبارك من بعيد.
ودفعتِ علاج؟
هزت راسها.
جزء منه.
بس أنا كنت بدفع كل حاجة بنفسي!
عارف.
أمال الفلوس دي كانت بتروح فين؟
بصتلي في عيني مباشرة.
وقالت
أنا ما كنتش بحولك فلوس عشان كنت عارفة إنك هترفضها.
سكتت لحظة.
فكنت بدفع للمكان اللي بيعالجك من غير ما تعرف.
أنا ما قدرتش أتكلم.
لكن قبل ما أستوعب كلامها، دخل ياسين المكتب فجأة، ووشه كان متوتر.
قال
سارة حصلت مشكلة.
بصت له.
إيه؟
قال
الصندوق اللي وصل امبارح
ماله؟
اتفتح.
سارة قامت بسرعة.
مين فتحه؟
ياسين بص ناحيتي.
وبعدين قال
مش عارف.
وفيه إيه جوه؟
اتردد.
كان فيه ملف قديم جدًا.
ملف إيه؟
قرب منها وقال بصوت منخفض
الملف اللي عليه اسم والدك.
بصتلي سارة.
وأنا لأول مرة شفت الخۏف الحقيقي في عينيها.
قالت
بابا لازم تمشي معايا.
على فين؟
مسكت الملف.
وقالت
عشان في حاجة اتكتبت عنك من أكتر من عشرين سنة
وإنتِ اكتشفتيها دلوقتي.
فتحت الملف.
وأول سطر قرأته كان
السيد حسن عبدالسلام لم يكن المستفيد الحقيقي من بيع العقار
اتسعت عيني.
يعني إيه؟
سارة ما ردتش.
كانت بتقرأ باقي الصفحة ووشها بيتغير.
وبعدين رفعت عيني لي وقالت
بابا
نعم؟
الفلوس اللي وزعتها على منى وداليا
مالها؟
قالت
جزء كبير منها أصلًا ما كانش من حقك توزعه.
وفي اللحظة دي، فهمت إن حكايتي مع بناتي
ما كانتش أصلًا حكاية فلوس.
كانت حكاية سر قديم
أنا نفسي ما كنتش أعرف إنه موجود الجزء الثالث
فضلت باصص لسارة كأني مستنيها تقول إنها بتهزر.
لكن وشها كان جاد.
قلت
إزاي يعني مش من حقي؟
فتحت الملف وحطته قدامي.
العقار اللي بعته يا بابا كان فيه شريك تاني في الملكية.
ضحكت بعصبية.
شريك؟! ده بيت أبويا وأمي. أنا عارفه من وأنا طفل!
قالت
عارف إن أبوك وأمك كانوا عايشين فيه. لكن الورق بيقول إن الملكية ما كانتش ليهم وحدهم.
أمال لمين؟
قلبت صفحة.
لعمك عبدالرحمن.
اتجمدت.
عمي عبدالرحمن ماټ قبل أبويا بسنين.
بالضبط.
وماله؟
قبل ۏفاته، ساب تنازل موثق عن نصيبه لوالدتك.
بصيت لها.
يعني أمي ورثت نصيب عمي؟
لأ.
هزت راسها.
التنازل كان مشروط.
سألتها
مشروط بإيه؟
قالت
إن العقار ما يتباعش إلا بعد تسوية حق عيلة عمك
